Berlində “Azərbaycanda alman izləri” adlı tədbir keçirilib
![](http://www.germany.az/uploads/posts/2022-11/1669804865_berlin-botschaft-tedbir-2022-05.jpg)
Azərbaycanın Almaniyadakı səfirliyi Berlində fəaliyyət göstərən Azərbaycan Mədəniyyət Mərkəzində “Azərbaycanda alman izləri” adlı tədbir keçirib.
Səfirlikdən mediaya bildirilib ki, tədbir Azərbaycan və Almaniya arasında diplomatik əlaqələrin qurulmasının 30 illiyinə həsr olunub. Tədbirdə Bundestaq üzvləri, Almaniyanın Xarici İşlər Nazirliyi və digər dövlət qurumlarının yüksək vəzifəli təmsilçiləri, xarici diplomatlar, KİV nümayəndələri, elm və mədəniyyət xadimləri, eləcə də Almaniyada yaşayan Azərbaycan və türk icmalarının üzvləri iştirak ediblər.
Tədbirin əvvəlində Azərbaycanın Almaniyadakı səfirliyi tərəfindən istehsal olunmuş “Azərbaycanda alman izləri” adlı film nümayiş etdirilib. Filmdə Azərbaycandakı alman irsi və onun dövlət tərəfindən qorunması barədə iştirakçılara məlumat verilib.
Çıxış edən Azərbaycanın Almaniyadakı səfiri Nəsimi Ağayev Almaniya ilə ölkəmiz arasındakı ikitərəfli münasibətlərin tarixindən və müasir vəziyyətindən danışıb. Bildirib ki, xalqlarımız arasındakı əlaqələr qədim zamanlara dayanır və bu əlaqələrin daha sıx xarakter alması 19-cu əsrin əvvəllərində Almaniyanın hazırkı Baden-Vürttemberq ərazisindən alman şvabların ölkəmizə köçü ilə bağlıdır. Qeyd edib ki, II Dünya Müharibəsi illərində Stalin hakimiyyəti tərəfindən Mərkəzi Asiya və Sibir ərazilərinə deportasiya olunana kimi almanlar ölkəmizdə azərbaycanlılarla birgə mehriban qonşuluq və əmin-amanlıq şəraitində yaşayıblar. N.Ağayev müasir Azərbaycan-Almaniya münasibətlərinin bu zəngin tarixdən bəhrələndiyini ifadə edib. Diqqətə çatdırıb ki, Azərbaycanın Qərbi Avropa ölkələri arasında ilk səfirliyini 1992-ci ildə məhz Almaniyada açması bu baxımdan təsadüfi hesab oluna bilməz. Səfir hazırda bütün sahələrdə ikitərəfli münasibətlərin yüksələn xətt üzrə inkişaf etdiyini vurğulayıb.
Tədbirdə, həmçinin AFR hökuməti adından Almaniya Xarici İşlər Nazirliyinin Şərqi Avropa, Qafqaz və Mərkəzi Asiya üzrə müvəkkili, səfir Mattias Lüttenberq çıxış edib. O, Azərbaycan-Almaniya münasibətlərinə nəzər salıb və ikitərəfli münasibətlərin dinamik şəkildə inkişaf etdiyini söyləyib.
Daha sonra tədbirə Bakıdan məruzəçi qismində dəvət olunmuş Fuad Axundov “Azərbaycanda alman izləri” mövzusunda təqdimat keçirərək, almanların Azərbaycana köçünün tarixi aspektləri, ölkəmizdə əsası qoyulmuş alman yaşayış məskənləri, oradakı alman icmasının həyat və fəaliyyəti, habelə onların, eləcə də ölkəmizə təşrif gətirmiş digər almanların ölkəmizin ictimai-siyasi həyatındakı iştirakı haqda geniş danışıb.
Tədbirə moderatorluq almaniyalı professor Eva Maria Aux tərəfindən həyata keçirilib.
Almaniyanın Hamburq şəhərində yaşayan və fəaliyyət göstərən azərbaycanlı musiqiçi Tural İsmayılovun yaratdığı və rəhbərlik etdiyi Azərbaycan-alman ansamblı -“Anima Şirvani”nin alman barok musiqisi və Azərbaycan muğamının sintezindən ərsəyə gətirdiyi musiqi parçaları tamaşaçıların böyük marağı ilə qarşılanıb.
////
On November 29, the Embassy of Azerbaijan in Germany held a large-scale event called "German traces in Azerbaijan" at the Azerbaijan Cultural Center operating in Berlin, the embassy told media.
The event was dedicated to the establishment of the 30th anniversary of diplomatic relations between Azerbaijan and Germany.
Members of the Bundestag, high-ranking representatives of the German Ministry of Foreign Affairs and other state institutions, foreign diplomats, media representatives, scientific and cultural figures, as well as members of the Azerbaijani and Turkish communities living in Germany took part in the event.
![](http://www.germany.az/uploads/posts/2022-11/1669804895_berlin-botschaft-tedbir-2022-00.jpg)
![](http://www.germany.az/uploads/posts/2022-11/1669804834_berlin-botschaft-tedbir-2022-02.jpg)
![](http://www.germany.az/uploads/posts/2022-11/1669804835_berlin-botschaft-tedbir-2022-03.jpg)
![](http://www.germany.az/uploads/posts/2022-11/1669804865_berlin-botschaft-tedbir-2022-04.jpg)
![](http://www.germany.az/uploads/posts/2022-11/1669804865_berlin-botschaft-tedbir-2022-05.jpg)
![](http://www.germany.az/uploads/posts/2022-11/1669804865_berlin-botschaft-tedbir-2022-06.jpg)
![](http://www.germany.az/uploads/posts/2022-11/1669804865_berlin-botschaft-tedbir-2022-07.jpg)
![](http://www.germany.az/uploads/posts/2022-11/1669804865_berlin-botschaft-tedbir-2022-08.jpg)
![](http://www.germany.az/uploads/posts/2022-11/1669804865_berlin-botschaft-tedbir-2022-09.jpg)